ಹಣಕಾಸು ವ್ಯವಸ್ಥೆ ಮತ್ತು ನಿರ್ವಹಣೆ – ೧

ಸಾಮಾನ್ಯವಾಗಿ ಒಂದು ಉದ್ಯಮ ಸ್ಥಾಪಿಸಲು ಬಹಳ ಮುಖ್ಯವಾಗಿ ಎರಡು ಅಂಶಗಳನ್ನು ಪ್ರತಿಯೊಬ್ಬರೂ ಯೋಚಿಸುವರು. ಒಂದು ಎಷ್ಟು ಆರ್ಥಿಕ ಬಂಡವಾಳದ ಅಗತ್ಯವಿದೆ, ನಂತರ ತೊಡಗಿಸಿದ ಬಂಡವಾಳದಿಂದ ಎಷ್ಟು ಸಮಯದಲ್ಲಿ ಇದಕ್ಕನುಗುಣವಾಗಿ ಉತ್ತಮ ಗಳಿಕೆಯನ್ನು ಪಡೆಯಬಹುದು ಎಂಬುದು. ಈ ಎರಡೂ ಅಂಶಗಳು ದುಡ್ಡಿನೋಡಗಿನ ವ್ಯವಹಾರವಾದ್ದರಿಂದ ಹಣಕಾಸು ವ್ಯವಸ್ಥೆ ಮತ್ತು ನಿರ್ವಹಣೆಯ ಒಳಗೆ ಬರುತ್ತವೆ.

ಕಂಪನಿಯ ಹಣಕಾಸು ವ್ಯವಸ್ಥೆಯ ಲೆಕ್ಕಪತ್ರಗಳು ಕಂಪನಿಯ ಕಾರ್ಯ ನಿರ್ವಹಣೆಯನ್ನು ಬಿಂಬಿಸುತ್ತವೆ. (ಈ ಬಗ್ಗೆ ಮುಂದೆ ಚರ್ಚಿಸೋಣ) ಜೊತೆಗೆ ಕಂಪನಿಯ ಸ್ಥಿತಿಗತಿಗಳ ಬಗ್ಗೆ ಆಳವಾದ ಮತ್ತು ಅಗತ್ಯವಾದ ಮಾಹಿತಿಗಳನ್ನು ಹೊರ ನೀಡುತ್ತವೆ. ಇದರ ವಿಶ್ಲೇಷಣೆಗೆ ೩ ಮೂಲಭೂತ ವಸ್ತುಗಳ ಅಗತ್ಯವಿದೆ.

೧. ಲೆಕ್ಕ ಪತ್ರ (Balance Sheet)
೨. ಆದಾಯ ವಿವರಣಾ ಹೇಳಿಕೆ (Income Statement)
೩. ಹಣ ಹರಿಯುವಿಕೆಯ ವಿವರಣಾ ಹೇಳಿಕೆ (Cash Flow Statement)

ಮುಂದಿನ ಅಂಕಣಗಳಲ್ಲಿ ಇವುಗಳ ಬಗ್ಗೆ ಸ್ವಲ್ಪ ಅರಿಯೋಣ. ನಂತರ ಇವಗಳನ್ನು ಉಪಯೋಗಿಸಿ ಹೇಗೆ ವಿಶ್ಲೇಷಣೆ ಮಾಡುವುದು ಎನ್ನುವುದರ ಬಗ್ಗೆ ಮುಂದುವರಿದು ಕೊನೆಗೆ ವಿಸ್ತಾರವಾದ ಉದ್ಯಮಗಳ ಹಣಕಾಸು ವ್ಯವಸ್ಥೆಯ ಬಗ್ಗೆ ಅರಿಯೋಣ.