Category: Kannada ಕನ್ನಡ

ವ್ಯವಹಾರಿಕ ಯುಕ್ತಿಯಾ ಬಗೆಗಿನ ಚರ್ಚೆಯನ್ನು ಮುಂದುವರಿಸುತ್ತಾ ಇಂದು ನಾವು ಒಂದು ಹೊಸ ವಿಷಯನ್ನು ಅರಿಯೋಣ. ಅದೇ “ಸ್ಪರ್ಧಾತ್ಮಕ ಲಾಭಗಳು”

ಈ ಹಿಂದ ಅಂಕಣದಲ್ಲಿ ನಾವು ಕಾರ್ಯ ದಕ್ಷತೆ ಮತ್ತು ಯುಕ್ತಿಯ ನಡುವಿನ ವ್ಯತ್ಯಾಸವನ್ನು ಅರಿತೆವು. ಕಾರ್ಯ ದಕ್ಷತೆಯನ್ನು ನಾವು ಕಂಪನಿಗಳು ಸ್ಪರ್ಧಾತ್ಮಕ ಲಾಭವನ್ನು ಹೊಂದಲು ಅನುಸರಿಸುವರು ಎಂದು ಅರಿಯಬೇಕು. ಆದರೆ ಎಲ್ಲ ಕಂಪನಿಗಳು ಇದೆ ಮಾರ್ಗವನ್ನು ಅನುಸರಿಸಿ ಕಾರ್ಯ ದಕ್ಷತೆಯನ್ನು ತರಲು ಪ್ರಯತ್ನಿಸುವಾಗ ಸ್ಪರ್ಧಾತ್ಮಕ ಲಾಭವು ಯಾರಿಗೂ ಸಿಗದೇ ಸಮತ್ವ ಸೃಷ್ಟಿಯಾಗುವುದು.

ಈ ಚರ್ಚೆಯಿಂದ ತಿಳಿಯುವುದೇನಂದರೆ ಯಾವುದೇ ಸ್ಪರ್ಧಾತ್ಮಕ ಲಾಭವನ್ನು ಎರಡು ರೀತಿಯಲ್ಲಿ ವಿಂಗಡಿಸಬಹುದು. ಕೆಲವು ಶಾಶ್ವತವಾಗಿ ದೀರ್ಘಕಾಲ ಸಿಗುವಂತದು ಇನ್ನು ಕೆಲವು ತಾತ್ಕಾಲಿಕ ಲಾಭವನ್ನು ನೀಡುವಂತಹುಗಳು.

ಇನ್ನು ಮುಂದಿನ ಅಂಕಣಗಳಲ್ಲಿ ನಾವು ಕೆಲವು ಸರಳ ಮಾದರಿ ಕತೆಗಳನ್ನು ತೆಗೆದು ಕೊಂದು ಸ್ಪರ್ಧಾತ್ಮಕ ಲಾಭದ ಬಗ್ಗೆ ಇನ್ನಷ್ಟು ಅರಿಯುವ ಯತ್ನ ಮಾಡೋಣ.

ಪೂರ್ಣವಾಗಿ ವ್ಯಾವಹಾರಿಕ ಯುಕ್ತಿಯ ಬಗ್ಗೆ ಅರಿಯಲು ನಾವು ಕೆಲವು ಯುಕ್ತಿಗಳ ಬಗ್ಗೆ ಪದೇ ಪದೇ ಹೇಳುತ್ತೇವೆ ಮತ್ತು ಅವುಗಳ ಬಗ್ಗೆ ಚರ್ಚಿಸುತ್ತಲೇ ಇರುತ್ತೇವೆ. ಹೀಗಾಗಿ ಓದುಗರ ತಾಳ್ಮೆಯ ಕೃಪೆ ನಮ್ಮ ಮೇಲೆ ಇರಬೇಕೆಂದು ಬಯಸುವೆವು!

ಹಿಂದಿನ ಅಂಕಣದ ಕಾರ್ಯ ದಕ್ಷತೆಯ ಮತ್ತು ಯುಕ್ತಿಯ ನಡುವಿನ ಸಂಬಂಧಗಳ ಬಗೆಗಿನ ಚರ್ಚೆಯನ್ನು ಮುಂದುವರಿಸುತ್ತಾ ಇಂದು ನಾವೊಂದು ಕಾಲ್ಪನಿಕ ಮಾದರಿ ಕತೆಯನ್ನು ಶುರು ಮಾಡೋಣ.

ಹರಿ ಒಬ್ಬ ರಸ್ತೆ ಬದಿಯ ತಿನಿಸುಗಳ ವ್ಯಾಪಾರಿ. ಅವನ ದಿನದ ದುಡಿಮೆ ಉತ್ತಮವಾದ ಋತುಗಳಲ್ಲಿ ೯೦೦೦/- ವರೆಗೆ ಇರುತ್ತದೆ. ಅವನ ಅಂಗಡಿಯು ಹತ್ತಿರದ ಕಛೇರಿಗಳಲ್ಲಿ ತುಂಬಾ ಮೆಚ್ಚಿಗೆ ಪಡೆದು ಪ್ರಚಾರ ಹೊಂದಿದೆ. ೫ ನಿಮಿಷದೊಳಗೆ ಕೇಳಿದ ತಿನಿಸನ್ನು ತಯಾರಿಸಿ ನೀಡುವುದು ಅವನಿಗೆ ಸಿಕ್ಕ ಮೆಚ್ಚುಗೆಯ ಹಿಂದಿನ ರಹಸ್ಯ. ತನ್ನ ಗ್ರಾಹಕರನ್ನು ಹೆಚ್ಚು ಕಾಯಿಸದಿರುವುದರಿಂದ ಗ್ರಾಹಕರು ಇವನ ರುಚಿಕರವಾದ ತಯಾರಿಕೆಯ ವೇಗಕ್ಕೆ ಮಾರು ಹೋಗಿರುವರು.

ಅವನಿಗಿರುವ ಹಲವಾರು ವರ್ಷದ ಅನುಭವದ ಕಾರಣದಿಂದ ಒಂದೇ ಸಮಯದಲ್ಲಿ ಹಲವಾರು ಕೆಲಸಗಳನ್ನು ಒಟ್ಟಿಗೆ ಮಾಡುವುದು ಸಾಧ್ಯವಾಗಿದೆ. ಒಂದೇ ಹೊತ್ತಿಗೆ ೫ ವಿವಿಧ ರೀತಿಯ ತಿನಿಸುಗಳ ಪ್ಲೇಟ್ ಗಳನ್ನು ಯಾವುದನ್ನೂ ಹೆಚ್ಚು ಕಡಿಮೆ ಮಿಶ್ರ ಮಾಡದೇ ತಯಾರಿಸುವ ಕಲೆ ಅವನಲ್ಲಿದೆ. ಅವನ ಈ ಕೌಶಲ್ಯದ ಕಾರಣದಿಂದಲೇ ರುಚಿಕರವಾದ ತಿನಿಸನ್ನು ಒಂದೇ ವೇಳೆಗೆ ೫ ಜನರಿಗೆ ತಯಾರಿಸಲು ಸಾಧ್ಯವಾಗಿದೆ.

ಈ ಒಂದು ಕಾಲ್ಪನಿಕ ಕತೆಯಲ್ಲಿ ಈಗ ನಾವು ಆತನ ಸಮ ಕಲೀನವಾಗಿ ಹಲವು ತಿನಿಸುಗಳನ್ನು ಒಟ್ಟಿಗೆ ಮಾಡುವುದನ್ನು ಒಂದು ವ್ಯಾವಹಾರಿಕ ಯುಕ್ತಿ ಎಂದು ಕರೆಯಲಾಗುವುದೇ? ನಿಜಕ್ಕೂ ಅಲ್ಲ. ವ್ಯಾವಹಾರಿಕ ಯುಕ್ತಿಯೆನ್ನುವುದು ಮಾಲಿಕನು ತನ್ನ ವ್ಯವಹಾರವನ್ನು ಎಲ್ಲಿಗೆ ಕೊಂಡೊಯ್ಯ ಬೇಕೆಂದಿದ್ದಾನೆ ಎನ್ನುವದರ ಬಗೆಗಾಗಿದೆ. ಆತ ಮುಂದೆ ತನ್ನದೇ ಆದ ತಿನಿಸುಗಳ ಹೆಚ್ಚಿನ ಅಂಗಡಿ ಗಳನ್ನು ತೆರೆಯಬೇಕೆಂದಿರುವೆನೆ? ದೇಶದ ದೊಡ್ಡ ಪಂಚ ತಾರ ಮಾದರಿಯ ತಿನಿಸುಗಳ ಹೋಟೆಲ್ ಹೊಂದಬೇಕೆಂದಿರುವನೆ? ಒಮ್ಮೆ ಅವನು ತನ್ನ ಗುರಿಯನ್ನು ನಿರ್ಧರಿಸಿದ ಮೇಲೆ ಅದನ್ನು ಪಡೆಯಲು ಸೂಕ್ತವಾದ ಸಂಪನ್ಮೂಲಗಳನ್ನು ಕೂಡಿಸಿಕೊಂಡು ಹೊಸ ಸಂಪನ್ಮೂಲಗಳನ್ನು ಸೇರಿಸಿ ಕೊಂಡು ಉತ್ತಮ ಕಾರ್ಯ ಕ್ಷಮತೆಯೊಂದಿಗೆ ಕೆಲಸ ನಿರ್ವಹಿಸಿ ಗುರಿ ಸಾಧಿಸುವನು.

ಕಾರ್ಯ ದಕ್ಷತೆಯು ಒಬ್ಬ ಉದ್ಯಮಿಯ ಆಶೋತ್ತರಗಳನ್ನು ವೈಭವಿಕರಿಸುವುದು ಅಷ್ಟೇ.

ಒಂದು ಪ್ರಮುಖವಾದ ಗೊಂದಲ ಹೆಚ್ಚಿನ ಆರಂಭಿಕವಾಗಿ ವ್ಯಾವಹಾರಿಕ ಯುಕ್ತಿಯನ್ನು ರೂಪಿಸುವವರಲ್ಲಿ ಇರುವುದೇನೆಂದರೆ ಕಾರ್ಯ ಕ್ಷಮತೆ ಮತ್ತು ಉತ್ತಮ ಯುಕ್ತಿಯ ಬಗೆಗಿರುವುದು. ಸರಳವಾಗಿ ಇದನ್ನು ನಿಮ್ಮನ್ನು ನೀವು ಇದು ನೀವು ಎಣಿಸಿದ್ದ ಗುರಿಯನ್ನು ತಲುಪುವುದೇ ಅಥವಾ ತಲುಪಲು ದಾರಿ ಮಾಡುವುದೇ ಎನ್ನುವುದರ ಮೂಲಕ ನಿವಾರಿಸಬಹುದು.

ಕಂಪನಿಗಳು ಕಾರ್ಯ ಕ್ಷಮತೆಯನ್ನು ಸಾಧಿಸಲು ಹಲವಾರು ಆಂತರಿಕವಾಗಿ ಬಹಳ ವಿಧಾನಗಳನ್ನು ರೂಪಿಸುವರು, ಇವುಗಳು ಸಹಜವಾಗಿ ಉತ್ಪನ್ನದ ಬೆಲೆಯ ಮೇಲೆ ಪರಿಣಾಮ ಬೀರುವುವು. ಆದರೆ ಇದನ್ನೇ ವ್ಯಾವಹಾರಿಕ ಯುಕ್ತಿಯೆನ್ನುವುದು ಯುಕ್ತಿಯ ಅರ್ಥದ ವ್ಯಾಪ್ತಿಯನ್ನು ಮೊಟಕು ಗೊಳಿಸಿದಂತೆ ಆಗುತ್ತದೆ. ವ್ಯಾವಹಾರಿಕ ಯುಕ್ತಿಯೆನ್ನುವುದು ಒಂದು ಸಂಸ್ಥೆಯ ದೀರ್ಘಾವಧಿಯ ಗುರಿಗಳನ್ನು ಸಾಧಿಸಲು ರೂಪಿಸಬೇಕು.

ಕಾರ್ಯ ಕ್ಷಮತೆಯು ಕಂಪನಿಯ ವ್ಯಾವಹಾರಿಕ ಯುಕ್ತಿಯ ಭಾಗವಾಗಬೇಕೆಂದೆನು ಇಲ್ಲ. ಕೆಲವೊಮ್ಮೆ ಅತ್ಯಂತ ದಕ್ಷ ಕಾರ್ಯ ಕ್ಷಮತೆಯನ್ನು ಸ್ಪರ್ಧಾತ್ಮಕ ಮಾರುಕಟ್ಟೆಯಲ್ಲಿ ಉಳಿಯಲು ಬದಿಗಿರಿಸಬೇಕಾದ ಅನಿವಾರ್ಯವೂ ಬರುವುದು.

ಕಾರ್ಯ ಕ್ಷಮತೆಯ ಬಗ್ಗೆ ಮುಂದಿನ ದಿನಗಳಲ್ಲಿ ಸ್ಥೂಲವಾಗಿ ಕಾರ್ಯ ನಿರ್ವಹಣೆ ಯಾ ಅಧ್ಯಾಯದ ಅಡಿಯಲ್ಲಿ ತಿಳಿಯೋಣ. ಮುಂದಿನ ಅಂಕಣದಲ್ಲಿ ಒಂದು ಘಟನೆಯ ಮೂಲಕ ಕಾರ್ಯ ಕ್ಷಮತೆಯ ಮತ್ತು ವ್ಯಾವಹಾರಿಕ ಯುಕ್ತಿಯ ವ್ಯತ್ಯಾಸಗಳನ್ನು ಅರಿಯೋಣ.

ಈ ಹಿಂದಿನ ವ್ಯವಹಾರ ಯುಕ್ತಿಯ ಅಂಕಣದಲ್ಲಿ, ನಾವು ಹೇಗೆ ಹೋಂಡ ಕಂಪನಿಯು ಯಶಸ್ವಿಯಾಗಿ ಮೋಟರ್ ಸೈಕಲ್ ಉದ್ಯಮದಲ್ಲಿ ಮಾರುಕಟ್ಟೆಯಲ್ಲಿ ಪಾರುಪತ್ಯ ಸ್ಥಾಪಿಸಿತು ಎನ್ನುವುದನ್ನು ಅರಿತೆವು. ಇದು ಯಶಸ್ಸಿನ ಭಾಗವಿರುವ ಕತೆಯಾದರೆ, ಯಶಸ್ವಿಯಾಗದೆ ಮಾರುಕಟ್ಟೆಯಲ್ಲಿ ಹಿಂದುಳಿದ ಕಂಪನಿಗಳಿಂದಲೂ ಕೂಡ ವ್ಯವಹಾರ ಯುಕ್ತಿಯ ಬಗ್ಗೆ ಅರಿಯಬಹುದು.

ನಾವು ಇದಕ್ಕಾಗಿ ಇನ್ನೊಂದು ಆಟೋ ಮೊಬೈಲ್ ಕಂಪನಿಯಾದ ಯುಗೋ ಎಂಬ ಕಂಪನಿಯ ಬಗ್ಗೆ ಅರಿಯೋಣ. ಯುಗೋ ೧೯೮೦ ರ ದಶಕದ ಮಧ್ಯದಲ್ಲಿ ಅಮೆರಿಕವನ್ನು ಪ್ರವೇಶಿಸಿತು. ಅದು ತನ್ನನ್ನು ಮಾರುಕಟ್ಟೆಯಲ್ಲಿ ಮುಂಚೂಣಿಯಾಗಿ ಸ್ಥಾಪಿಸಲು ಕಡಿಮೆ ಬೆಲೆಯ ದಾರಿಯಿಂದ ಶುರು ಮಾಡಿತು. ಕಡಿಮೆ ಬೆಲೆಯ ಮೂಲಕ ಮಾರುಕಟ್ಟೆಯಲ್ಲಿ ಸುಲಭವಾಗಿ ಪಾರುಪತ್ಯವನ್ನು ಸ್ಥಾಪಿಸಬಹುದೆಂದು ನಂಬಿತು. ಆದರೆ ಅಮೇರಿಕಾದ ಗ್ರಾಹಕರು ತಮ್ಮ ಸುರಕ್ಷಿತವಾದ ಪ್ರಯಾಣವನ್ನು ತಮ್ಮ ಕಡಿಮೆ ಬೆಲೆಯಲ್ಲಿ ಸಿಗುವ ಆಟೋ ಮೊಬೈಲ್ ಗಳಲ್ಲಿ ಮುಖ್ಯವಾಗಿ ಬಯಸುವರು ಎಂಬುದನ್ನು ಯುಗೋ ಕಂಪನಿ ಪರಿಗಣಿಸಲಿಲ್ಲ. ಯುಗೋ ಕಂಪನಿಯ ಕಾರುಗಳು ಕಡಿಮೆ ಬೆಲೆಯದ್ದಾಗಿದರೂ ಸುರಕ್ಷತೆ ಮತ್ತು ಗುಣಮಟ್ಟದ ಸಾಧನೆಗಳನ್ನು ಇತರ ಕಾರುಗಳೊಂದಿಗೆ ಹೋಲಿಸಿದಾಗ ಉತ್ತಮವಾಗಿರಲಿಲ್ಲ. ಅಲ್ಲದೆ ಯುಗೋ ಕಾರ್ ಗಳು ಮಾರುಕಟ್ಟೆಗೆ ಬಂದಾಗ ಕಾರ್ ನ ಬೆಲೆ ಇತರ ಕಂಪನಿಯ ಉಪಯೋಗಿಸಿದ ಕಾರ್ ಗಳಿಗಿಂತ ಹೆಚ್ಚು ಬೆಲೆಯದ್ದಾಗಿತ್ತು. ಇತರ ಕಂಪನಿಯ ಬಳಸಿದ ಕಾರ್ ಗಳು ಸುರಕ್ಷತೆ ಮತ್ತು ಗುಣಮಟ್ಟದ ಸಾಧನೆಗಳಲ್ಲಿ ಯುಗೋ ಕ್ಕಿಂತ ಉತ್ತಮವಾಗಿತ್ತು. ಹೀಗಾಗಿ ಯುಗೋ ಕಾರ್ ಗಳು ಮಾರಾಟವಾಗಲೇ ಇಲ್ಲ.

ಈ ಎರಡು ಕಂಪನಿಗಳ ಕತೆಗಳು (ಹೋಂಡ ಮತ್ತು ಯುಗೋ) ಒಂದು ಸತ್ಯವನ್ನು ವಿಷದಿಸುವುದೇನಂದರೆ ಕೇವಲ ಆರಂಭಿಕ ವಾದ ಕಾರ್ಯತಂತ್ರಗಳಿಂದ ಮಾತ್ರವೇ ಕಂಪನಿಯ ಮುನ್ನಡೆ ಸಾಧ್ಯವಾಗದು. ಬದಲಾವಣೆಗಳಿಗೆ ತಕ್ಕಂತೆ ಹೊಂದಿಕೊಂಡು ವ್ಯವಹಾರದ ಯುಕ್ತಿಯನ್ನು ಬದಲಿಸಿಕೊಳ್ಳುವುದು ಯಶಸ್ಸಿನ ಗುಟ್ಟು.

ಈ ಹಿಂದೆ ಅಂಕಣದಲ್ಲಿ ಕಾರ್ಯ ತಂತ್ರದ ಬಾಗೆ ಪ್ರಸ್ತಾಪಿಸುವಾಗ ಬಾಹ್ಯ ಮೂಲದ ವ್ಯವಹಾರದ ಸವಾಲುಗಳನ್ನು ಹೇಳಿದೆವು. ಇಂದಿನ ಅಂಕಣದಲ್ಲಿ ನಾವು ಕಾರ್ಯ ತಂತ್ರದ ವ್ಯಾಖ್ಯಾನವನ್ನು ಮಾಡೋಣ.

ವ್ಯವಹಾರ ಕಾರ್ಯ ತಂತ್ರ ಸೂಕ್ಷ್ಮವಾಗಿ “ಯಶಸ್ವಿಯಾಗಿ ಸ್ಪರ್ಧಿಸುವುದು” ಎಂದು ವ್ಯಾಖ್ಯಾನಿಸಬಹುದು. ಕಾರ್ಯ ತಂತ್ರದ ಮೂಲವು ಹಿಂದಿನ ಕಾಲದಲ್ಲಿ ಯುದ್ಧಗಳಿಂದ ಆರಂಭವಾದರೂ ಅದರ ಉಪಯೋಗ ವ್ಯವಹಾರ ಜಗತ್ತಿಗೂ ವಿಸ್ತರಿಸಬಹುದು.

ಪ್ರಾರಂಭಿಕ ಹಂತದ ಕಂಪನಿಗಳು ದೊಡ್ಡ ಕಂಪನಿಗಳಿಂದ ಉಂಟಾಗುವ ದೊಡ್ಡ ಗಾತ್ರದ ಸವಾಲುಗಳನ್ನು ಎದುರಿಸಿ ನಿಲ್ಲಬೇಕು. ಅದೇ ರೀತಿ ದೊಡ್ಡ ಕಂಪನಿಗಳು ತಮ್ಮ ವ್ಯವಹಾರ ಪ್ರದೇಶವನ್ನು ಉಳಿಸಿಕೊಳ್ಳಲು ಮತ್ತು ಹೆಚ್ಚಿಸಿಕೊಳ್ಳಲು ಶ್ರಮ ಪಡುತ್ತಿರಬೇಕು.

ಪ್ರತಿಯೊಂದು ಯಶಸ್ವಿ ವ್ಯವಹಾರವು ಒಂದೊಂದು ಕಾರ್ಯ ತಂತ್ರದ ಪಾಠಗಳೇ ಆಗಿವೆ. ಇನ್ನು ಮುಂದಿನ ಅಂಕಣಗಳಲ್ಲಿ ಉತ್ತಮ ರೀತಿಯ ಮಾದರಿಗಳನ್ನು ನಿಮ್ಮ ಮುಂದೆ ಇಟ್ಟು ಒಂದು ಪ್ರಭಾವಶಾಲಿ ಉತ್ತಮ ಬ್ಲಾಗ್ ನಿಮ್ಮ ಮುಂದೆ ಇದುವ ಪ್ರಯತ್ನ ಮಾಡುವೆವು.

ಈ ಹಿಂದ ಅಂಕಣಗಳಲ್ಲಿ ನಾವು ವ್ಯವಹಾರದ ಅತ್ಯಂತ ಮುಖ್ಯ ಭಾಗವಾದ ವ್ಯವಹಾರ ಪ್ರತಿಕೃತಿಗಳ ಬಗ್ಗೆ ಅರಿತೆವು. ವ್ಯವಹಾರ ಪ್ರತಿಕೃತಿ ಯು ವ್ಯವಹಾರಕ್ಕೆ ಮೂಲ ಅಡಿಪಾಯವನ್ನು ಅಥವಾ ಆದಾಯದ ಮಾರ್ಗವನ್ನು ರೂಪಿಸಿ ವ್ಯವಹಾರ ಮುನ್ನಡೆಯುವಂತೆ ಮಾಡಿದರೂ, ವ್ಯವಹಾರದ ಯಶಸ್ಸನ್ನು ಅದು ಖಚಿತಗೊಳಿಸಲಾಗದು.

ವ್ಯವಹಾರದ ಜಗತ್ತು ಬಹುಮುಖವಾದ ವಿವಿಧ ವಿಚಾರಗಳಿಂದ ಅನಿಶ್ಚಿತೆಗಳಿಂದ ಕೂಡಿದೆ, ಅವು ಆಂತರಿಕವಾಗಿ ಮಾನವ ಸಂಪನ್ಮೂಲ, ಕಾರ್ಯವಿಧಾನ ಗಳಿಂದಾಗಿರಬಹುದು ಅಥವಾ ಬಾಹ್ಯವಾಗಿ ಸರ್ಕಾರದ ಕಾನೂನುಗಳಿಂದ ಕೂಡ ಆಗಿರಬಹುದು. ಇವೆಲ್ಲವೂ ವ್ಯವಹಾರಕ್ಕೆ ಅತ್ಯಂತ ಅನಿಶ್ಚಿತತೆಯನ್ನು ಸೃಷ್ಟಿಸಿ ಒಂದು ಯಶಸ್ವಿಯಾಗಿ ನಡೆಯುತ್ತಿರುವ ವ್ಯವಹಾರವು ಈ ಬಗೆಯ ಬದಲಾವಣೆಗಳಿಗೆ ಹೊಂದಿಕೊಳ್ಳದಿದ್ದಲ್ಲಿ ಬುಡ ಮೇಲು ಗೊಳಿಸಿ ಸಂಪೂರ್ಣವಾಗಿ ನಶಿಸಲು ಕಾರಣವಾಗುವುವು. ಹೆಚ್ಚಿನ ಸಂದರ್ಭಗಳಲ್ಲಿ ಈ ಬದಲಾವಣೆಗಳು ಕಂಪನಿಗಳ ವ್ಯವಹಾರದ ದಿಕ್ಕನ್ನೇ ಬದಲಾಯಿಸುವಷ್ಟು ಪ್ರಭಾವಯುತವಾಗಿರುತ್ತದೆ.

ಇದಕ್ಕಾಗಿಯೇ ಶಕ್ತಿಯುತ ಕಾರ್ಯತಂತ್ರ ಪ್ರಾಮುಖ್ಯತೆಯನ್ನು ಪಡೆಯುತ್ತದೆ. ಇನ್ನು ಮುಂದಿನ ದಿನಗಳಲ್ಲಿ ನಾವು ಅನೇಕ ಪ್ರಕಾರದ ಕಾರ್ಯ ತಂತ್ರಗಳ ಬಗ್ಗೆ ಮತ್ತು ಅವುಗಳು ವ್ಯವಹಾರದ ರಥವನ್ನು ಬದಲಾವಣೆಗಳಿಗೆ ತಕ್ಕಂತೆ ಹೇಗೆ ಸಮರ್ಥವಾಗಿ ನಡೆಸಿದವು ಎನ್ನುವುದರ ಬಗ್ಗೆ ಅರಿಯೋಣ. ಇವೆಲ್ಲವುದರ ಹಿಂದಿನ ಚಿಂತನ ಪಥವನ್ನು ಅರಿತು ಕಾರ್ಯ ತಂತ್ರ ರೂಪಿಸುವದನ್ನು ರೂಢಿಸಿಕೊಳ್ಳುವುದು ಉತ್ತಮ ವ್ಯವಹಾರದ ಆರಂಭದ ಲಕ್ಷಣ.